مسرّعة الأفلام
عندك فلم مصوّر وما كمل؟ أربعة أسابيع نساعدك فيها تكمّل فلمك وتقدّمه على مهرجان أفلام السعودية قبل إغلاق التسجيل ٣٠ نوفمبر.
لمين المسرّعة؟
لصنّاع وصانعات الأفلام من جازان أو اللي صوّروا فيها، أعضاء في النادي أو لا. المهم إن التصوير خالص، أو باقي منه جزء بسيط.
وش نقدّم لك
- فرز ورد على تسجيلك خلال ٤٨ ساعة
- مرشد من النادي يتابع فلمك مرتين بالأسبوع
- خطة إنهاء واضحة حتى ٢٧ نوفمبر
- مراجعة المونتاج والقصة من لجنة فنية
- مساعدة في الصوت والموسيقى المرخّصة والترجمة الإنجليزية
- تجهيز ملف التقديم: الملخص والبوستر والصور ونبذة المخرج
وش ما تقدّمه المسرّعة
- تمويل أو تصوير مشاهد جديدة
- رسوم التقديم على المهرجان إن وُجدت
- ضمان القبول في المهرجان
الفلم ملك صاحبه ويقدّمه باسمه، مع ذكر «بدعم من مسرّعة نادي السينما بجازان».
كيف تشتغل؟
ست محطات من التسجيل إلى التقديم، والفلم الجاهز أبكر يُقدَّم أبكر.
التسجيل
١ – ١٠ نوفمبرتعبّي النموذج وترسل رابط مشاهدة لعينة أو مونتاج أولي.
الفرز والرد
خلال ٤٨ ساعة من تسجيلكنتأكد إن الفلم مصوّر وجاهز للإنهاء، ونرد عليك على الواتساب.
جلسة الانطلاق
١١ نوفمبرنحدد معك خطة الإنهاء والمرشد اللي يتابعك.
قفل المونتاج
١١ – ١٧ نوفمبرمراجعة القصة والإيقاع، وفحص منتصف الطريق يوم ١٧.
الصوت والموسيقى والتلوين ثم الترجمة وملف التقديم
١٨ – ٢٥ نوفمبرنكمّل التشطيب ونجهّز كل مرفقات التقديم.
التقديم على المهرجان
بحد أقصى ٢٧ نوفمبرمراجعة أخيرة ثم ترفع طلبك، قبل إغلاق المهرجان ٣٠ نوفمبر بثلاثة أيام.
أسئلة متوقعة
فلمي لسا ما انصوّر، أقدر أسجّل؟
المسرّعة للأفلام المصوّرة فقط. إذا عندك فكرة أو نص، تابع لقاءات الأفكار ومسار الإنتاج في النادي.
لازم أكون عضو في النادي؟
لا، المسرّعة مفتوحة للجميع من صنّاع وصانعات الأفلام في جازان.
أفلامي روائية مو وثائقية، أقدر أشارك؟
نعم. الأفضلية للوثائقيات عند الفرز، لكن الروائي والتجريبي والرسوم المتحركة مقبولة.
وش أحتاج أجهّز قبل التسجيل؟
رابط مشاهدة مفتوح (درايف أو فيميو أو يوتيوب غير مدرج) لعينة أو مونتاج أولي، وملخص الفلم في سطرين.
وش لو ما لحقت الموعد؟
في فحص ١٧ نوفمبر نقرر مع بعض. إذا ما يلحق، نكمّله معك ونوجّهه لمهرجان لاحق بدل تقديم فلم ناقص.
سجّل فلمك
النموذج ياخذ أقل من ١٠ دقائق، ونرد عليك خلال ٤٨ ساعة.